Til hamingju Kosovo-albanir!

Ég gleðst yfir þessari frétt og óska þess að íbúar Kosovo geti lifað í sátt og samlindi í framtíðinni. Það er kominn tími til að Kosovo-albanir geti borið höfuðið hátt og verið stoltir án þess að vera undir aðra komnir, hvort sem það eru Serbar eða Tyrkir.

                           Dagbjört
 

Kósóvó lýsir yfir sjálfstæði

Athugasemdir

[Kosovo (IP-tala skráð) 17.2.2008 kl. 15:08]

Svona gerist alltaf á kostnað einhverra annarra, svo það er spurning hvað fólk á að leyfa sér að bera höfuðið hátt. Það er til saklaust fólk í öllum hópum sem og vont.

[Dagbjört Ásgeirsdóttir, 17.2.2008 kl. 16:29]

Það er rétt sem þú segir 'Kosovo' þetta verður alltaf á kostnað einhvers - í raun sama hvort það hefði verið, sjálfstæði eða ekki. Þetta verður örugglega ekki auðvelt og eitt er víst að þetta er ekki neitt einfalt. En ég er samt þeirrar skoðunar að í dag geta Kosovo-albanir verið stoltir.

[PB (IP-tala skráð) 18.2.2008 kl. 12:03]

Þeir verða ennþá stoltari þegar þeir eru búnir að ná sameiningu við Albaníu og verða búnir að ná undir sig stórum hluta Makedóníu(og hugsanlega fleiri landsvæðum í nágrenninu):)

[Dagbjört Ásgeirsdóttir, 19.2.2008 kl. 22:57]

Takk fyrir innlitið PB. Spurning hvort fólk sé að ofmeta líkurnar á því að það stefni í svo kallaða 'Stór Albaníu'. Þegar tölur frá UNDP eru skoðaðar kemur í ljós að einungis 3.5% aðspurðra Kosovo-albana þykja sameiningu við Albaníu vera fýsilegan kost, á meðan 95,3% velja sjálfstæði héraðsins. Skýrsluna má nálgast hér.

Enda er það svo að Kosovo-albanir samsama sig almennt við Kosovo, en ekki Albaníu. Þó að þeir eigi að sjálfsögðu margt sameiginlegt með þeim. 

[Júlíus Garðar Júlíusson, 1.3.2008 kl. 18:29]

Innnilega til hamingju með starfið Dagbjört

[Dagbjört Ásgeirsdóttir, 7.3.2008 kl. 17:56]

Takk fyrir Júlli! Ég er líka voða ánægð og mjög spennt   Nú er bara að herða sig við að klára meistararitgerðina svo ég geti farið að einbeita mér að nýju starfi

[Milla (IP-tala skráð) 9.3.2008 kl. 23:46]

Hvaða rósir eru þetta, Dagbjört mín?  Starfið ... hvaða starf? Leyfðu okkur að heyra meira.  Þetta er efni í bloggfærslu, sko. Með knús kveðju úr Hafnarfirði, Milla